أنـــا عبد زاهــد في الحيـاه
لا عـندي مال ولا بدي جـاه
ولا عايز حاجه مـن حياتي
غير إني أنول رضـا الإلـه
وآه
إسكنـــــــدريه قـاعده ع البحر تتـباهى
عـــروسه زي القمر حـلوه يا مـحلاها
فيـــــــها الغــــــــزل بيقول كـــلام تاني
ولولا عريسها البحر أنا كنت أهـواها
وآه
ياللــــى بتلهى الوز وتخـــــوفه بالـغرق
ومعيــــــــــــــشه دايمــا فى حيرة وقلق
الــــــــــــوز من يومه عوام وابن عوم
ولا يمكن يخاف ده ع الشجاعة اتـخلق
وآه
أحــــــــب الضــــــحك للـضحك ولـــــو ملوش أسبـــاب
وبَضحَك وأكـــــــركر عــلى أي حاجه ولوكـــانت عـذاب
مين اللي بيلـــــــــــومني أستاذ نكد ولا الست تكـشـيره
يا ريــتهم يضحكوا زيي محلاها عيشه المرح يا أحـباب
وآه الدنيا كـــــــــــوره قدم وعــــامله زي الماتش
ومن شوطـــــــين وفيه حـكم بيحسب أي تتش
ومساعدين يمين وشمال بيراقبوا كل خطواتك
والجايزه في الآخره يا إمـا الدلع يا إما اللطش
وآه
حمــــــــــار وحاسب نفسه على البقر
عشـــــــان مـــا ياكل معاهم هبر هبر
نساه غباؤه إن الحمار بيتركــب وبس
أما البـــــــقر بيسمنوه لجــل ما يتنحر
وآه